VIDEO| Beleri fitoi me 19 vota, mbështetësit nisin festimet në shëtitoren e Himarës

Një garë tepër e fortë u zhvillua në Bashkinë e Himarës, ku kandidati i koalicionit Bashkë Fitojmë, Fredi Beleri, mund të fitonte me vetëm 19 vota përpara kandidatit të Partisë Socialiste, Jorgo Goro.

Beleri mundi të siguronte 50.12% të votave, ose 3837, ndërkohë që Goro siguroi 49.88% të votave, ose 3818 vota.

Fitorja e Belerit ka bërë që përkrahësit e tij të mblidhen në shëtitoren e Himarës dhe të nisin festimet.

Beleri aktualisht ndodhet në burg, pasi u arrestua 3 ditë përpara zgjedhjeve për blerje votash nga Prokuroria e Vlorës.

Kreu i PBDNJ Vangjel Dule, deklaroi se fitorja i është komunikuar në burg Belerit dhe pritet lirimi I tij për të marrë drejtimin e Baashkisë së Himarës.

Nëse Beleri dënohet me vendim të formës së prerë atëherë mandati nuk I kalon Belerit, por bashkia kalon përsëri në zgjedhje të parakohshme.

LEXONI GJITHASHTU: 

• Garë e fortë në Kuçovë, barazim absolut mes PS dhe “Bashkë Fitojmë”
• Thellohet diferenca në Shkodër, Beci kryeson në mbi 8000 vota
• Partia Socialiste fiton në Mat, Agron Malaj merr dyfishin e votave të kundërshtarit