Djali i Fredi Belerit për Euronews: Jemi të emocionuar, por dhe të mërzitur

Petro Beleri, djali i kandidatit fitues në Bashkinë e Himarës, Fredi Beleri, ka dhënë një prononcim të shkurtër për Euronews Albania, pas shpalljes së rezultatit.

Beleri u shpreh tepër i emocionuar dhe theksoi se sot është një ditë shumë e madhe për Himarën.

Në lidhje me gjendjen e babait në burg ai nuk dha shumë detaje, pasi tha se nuk i lejohet të komunikojë me të.

“Jam shumë i emocionuar, sot është një ditë e madhe për Himarën. Shikoni çfarë bëhet këtu.

Nuk më lejojnë të flas me babain, nuk e di nëse e ka marrë vesh për fitoren.

Është një lojë politike që duhet ta zgjidhim. Jemi njerëz të thjeshtë dhe duam të bëjmë sa më mirë të mundemi. Jemi të gëzuar, por jemi dhe të mërzitur nga situata. Pasi nuk kam asnjë informacion se ku ndodhet babai im nuk di asgjë”, tha Beleri.

LEXONI GJITHASHTU: 

• Nis festa në Kuçovë, PS fiton Bashkinë, flet ministri Bledi Çuçi
• Beleri fitoi Himarën nga burgu/ studiuesi: Rama s’ndërhyri, mori mesazhin nga Greqia
• Rreth 10 mijë vota më shumë se Spahia, Benet Beci pritet me ovacione në Shkodër