Humbi zgjedhjet lokale në Durrës, reagon për herë të parë Igli Cara

Ka reaguar për herë për kandidati Igli Cara nga koalicioni “Bashkë Fitojmë” pasi humbi zgjedhjet lokale në bashkinë e Durrësit.

Në një postim që ka bërë në rrjetet sociale, Cara teksa ka falënderuar të gjithë qytetarët që e votëbesuan, tha se rezultati negativ për të u ndikua nga shumë faktorë.

Ai thekson se këto zgjedhje treguan se vullneti i qytetarëve mund të kushtëzohet, të kontrollohet dhe të tjetërsohet.

“Mirënjohës ndaj çdo bashkëqytetari që më mbështeti përgjatë këtij rrugëtimi, duke më votëbesuar në këto zgjedhje!

Falenderues ndaj çdo demokrati, opozitari, mbështetësi, që u bënë pjesë e proçesit të votimit dhe numërimit, duke tejkaluar vështirësitë dhe duke qenë aty, për t’i dhënë vlerë çdo vote!

Një rezultat i ndikuar nga shumë faktorë, i cili tregoi se vullneti i qytetarëve mund të kushtëzohet, të kontrollohet dhe të tjetërsohet, në emër të zhvillimit, për të përqendruar pushtetin në një dorë të vetme, që shpërdoron dhe grabit ditën për diell, pasuritë kombëtare dhe fondet publike.

Durrësi mbetet familja jonë e madhe, që na bën bashkë, ku unë do të vazhdoj, si çdo ditë, të shikoj miqtë, kolegët, qytetarët në sy, duke u shtrënguar duart, sepse lidhja me këtë qytet dhe ndershmëria, për mua mbeten zgjedhje pa kompromis”-shkruan Cara.

LEXONI GJITHASHTU: 

• Rezultatet e para të zgjedhjeve në Durrës, sa është diferenca mes Sakos e Carës
• Rezultati i zgjedhjeve vendore| PS merr 53 bashki, Bashkë Fitojmë 7