“U nxeh se nuk i hapi telefonin”- Flet gruaja që bashkëshorti i vrau motrën

Bashkëshortja e 58-vjeçarit Tefik Tashi që vrau me sëpatë kunatën në Elbasan, njëkohësisht motra e viktimës tha për mediat se konflikti ishte i papritur.

Ajo tregoi se bashkëshorti i saj, me të cilin ishte martuar prej dy vjetësh, ishte nxehur me viktimën se nuk i kishte hapur telefonin.

“E shau një herë keq, kishte pirë, u zunë dhe që aty e mori inat. Kërkoj drejtësi, të dënohet deri në fund se e ka hak. Konflikti ishte i papritur, punë telefoni pse nuk e hapi, ishte nxehur keq, erdhi nga puna”, tregoi ajo.

Ngjarja e rëndë ndodhi në fshatin Kusarth të Elbasanit. Shtetasja Alma Qevani 44 vjeçe u vra me sëpatë nga kunati i saj. 44-vjeçarja u gjet e gjakosur në anë të rrugës në fshatin Kusarth. Edhe pse u transportua me urgjencë në spital, ajo nuk mundi dot t’i mbijetonte plagëve të marra.

LEXONI GJITHASHTU:

• “E shau me fjalë të pista”, flet fqinja e 44-vjeçares që u vra me sëpatë nga kunati
• Ngjarje e rëndë në Elbasan, gruaja vritet me sëpatë nga kunati (Emri)