“Greqia përsëri në zgjedhje në korrik”, Kulla: Rezultatet e sotme s’janë afatgjata

Analisti Ilir Kulla, ka komentuar zgjedhjet në Greqi.

I ftuar në emisionin ‘Review’ në Euronews Albania, ai theksoi se dhe nëse Kyriakos Mitsotakis merr 151 deputetë në këto zgjedhje sërish do të shkojë në zgjedhje të tjera në korrik të këtij viti

Sipas tij kjo do të ndodh për shkak zgjedhjeve evropiane që sipas tij janë shumë të rëndësishme për Greqinë.

“Të majtët janë të ndarë. Partia komuniste ka dalë gati 9% që është një numër goxha i lartë. Nëse  të majtët do të kishin qenë në një listë, rezultati do të ishte shumë më ndryshe.  Demokracia e Re mesa duket ka marrë votat që dikur kanë qenë vota ta Agimit te Artë. Dyshoj se do marrë  151 deputetë. Mendoj se Mitsotakis i duhet një mazhorancë e sigurt sepse vitin që vjen kanë zgjedhjet europiane  që janë shumë të rëndësishme për Greqinë. Edhe sikur të marrë 151 deputetë, ai përsëri do të shkojë në zgjedhje”- tha ai.

LEXONI GJITHASHTU: 

• Tsipras pranon humbjen, uron në telefon Mitsotakis. ND-ja merr mbi 40% të votave
• Zgjedhjet në Greqi, Edmond Guri bën parashikimin, ja kush po fiton