Kush fitoi nga dyshja Berisha-Meta? PL mori 42% të mandateve në Këshillat Bashkiakë

Rezultati i zgjedhjeve të 14 majit duket se nuk ishte dhe aq zhgënjyes për të gjitha partitë përbërëse të koalicionit “Bashkë Fitojmë”.

Defakto peshën më të madhe e mbajti Sali Berisha, i cili nxori kandidatë në pothuajse të gjitha bashkitë e vendit, por arriti të fitonte vetëm 7 të tilla.

Ndërsa Ilir Meta, cili  e kishte bërë të ditur që në krye të herës se objektivi i tij do të ishin këshillat bashkiak ka arritur të sigurojë jo pak, por 126 mandate. Të njëjtin numër këshilltarësh që ka siguruar edhe Partia Demokratike Zyrtare.

Sigla e koalicionit bashkë fitojmë arriti të siguronte vetëm 251 mijë vota, çka do të thotë 297 mandate për këshillat bashkiak në rang vendi.

Nga këto, 126 këshilltarë i takojnë Partisë së Lirisë, ndërsa pjesa tjetër, 171 do të ndahen mes Sali Berishës, PDK-së së Nard Ndokës dhe PBDNJ-së së Vangjel Dules, dy partitë e tjera përbërëse të koalicionit “Bashkë Fitojmë”.

Nga përllogaritjet rezulton se Ilir Meta ka arritur të sigurojë 42% mandateve që prodhoi aleanca mes Berishës, Ndokës dhe Dules.

Kryeqyteti, i cili ka edhe peshën më të madhe me 61 mandate këshilltarësh, dyshja Meta-Berisha ka arritur të sigurojë vetëm 15 ulëse. Nga të cilat Partia e Lirisë kryeson me 8 mandate, ndërsa Rithemelimi me një më pak, 7 të tilla.

LEXONI GJITHASHTU:

• Gazetari: Berisha e dinte që nuk fitonte, i realizoi synimet e qarta të tij
• Berisha mbledh Kryesinë në seli, zbulon objektivin kryesor të demokratëve