Qëndrimi i Guardiolës në Angli, spanjolli premton besnikëri ndaj Manchester City

Manchester City po kalon sezonin më pozitiv në historinë 143-vjeçare të futbollit, ku një merita të veçantë ka arkitekti i kësaj skuadre Pep Guardiola. Spanjolli kërkohet me ngulm të qëndrojë edhe në sezonin e ardhshëm, por duket se situata është e ndërlikuar.

Hetimi ndaj The Cityzens në lidhje me shkeljet financiare është një kusht i panegociueshëm për 52-vjeçarin, i cili i kërkon gjykatës të shpejtojë vendimin.

Më tej, tekniku u pohoi fansave se nuk ka në plan të largohet.

Unë do të qëndroj te Manchester City sezonin e ardhshëm. Nuk po mendoj fare të largohem nga klubi. Po qëndroj dhe me 100 penalitete kundër nesh në Premier League, mos u shqetësoni.

Çfarë unë personalisht do të doja, është që Premier League ose gjykatat të merrnin një vendim sa më shpejt të jetë e mundur, sepse nëse kemi bërë një gabim, të gjithë do ta dinë.

Manchester City është shpallur kampion i Premier Leagues angleze, është në finale të kupës ndaj rivalëve të përjetshëm të qytetit, si dhe në Ligën e Kampionëve ku përballet me Interin.

LEXONI GJITHASHTU:

• Emërohet kryeministri i ri i përkohshëm i Greqisë
• “Duam të jesh kryetari jonë”, Basha-të riut: Nuk kam nisur akoma fushatë