“Duam të jesh kryetari jonë”, Basha-të riut: Nuk kam nisur akoma fushatë

Ish-kryetari i Partisë Demokratike Lulzim Basha zhvilloi pasditen e kësaj të mërkure një takim me të rinjtë demokrat. Në këtë takim Basha është shfaqur më sportiv se kurrë dhe u kërkoi të pranishmëve të ishin sa më pak formal dhe sa më shumë të relaksuar.

Një nga të rinjtë, i tha Bashës, se të rinjtë demokrat duan që ai të rikthehet në drejtimin e Partisë Demokratike, por Basha iu përgjigj se nuk janë mbledhur për këtë arsye. Ai tha se nuk e ka nisur ende një fushatë të tillë dhe se tani momenti është për të reflektuar mbi arsyet që të rinjtë nuk shikojnë asnjë alternativë te politika aktuale.

“Unë nuk kam nisur ndonjë fushatë. Ju falenderoj për mbështetjen dhe suportin ndaj meje, por dua që këtu të jemi të relaksuar dhe të flasim për problematikat me të cilat përballen të rinjtë. Dua t’i rikthehem edhe një herë te arsyeja se përse nuk dolën më shumë të rinj për të votuar? Mungesa e alternativës. Pse arritëm këtu?

Me aq sa e ndoqa unë fushatën, fushata vetëm ofertë nuk ishte. Ishte tallje, zhurmë, tallava por jo ofertë. Politika na është kthyer në një shfaqje që ka qëllimin të zbavisë. A mundet politika e cila është instrumenti i vetëm i zhvillimit të kthehet në tallave? Si do I zgjidhim ne problemet e vendit nëse gjithçka e kthejmë në një shfaqje? Ka kohë që nuk flitet për hallet dhe problemet e njerëzve”, -tha ish-kreu I Partisë Demokratike Lulzim Basha.

LEXONI GJITHASHTU:

• I veshur sportiv dhe mes të rinjve, rikthehet në takime publike Lulzim Basha
• Enkelejd Alibeaj: Dorëheqja ime nuk lidhet me shifrat pas zgjedhjeve