Rama tur falënderimi në Durrës: 14 maji historik, qytetarët kanë pritshmëri të mëdha

Kryeministri Edi Rama zhvilloi pasditen e së premtes një tur falenderimi në Durrës pas fitores së PS në këtë bashki në zgjedhjet e 14 majit.

Rama u shpreh se rezultati i 14 majit ishte historik për Partinë Socialiste, ndërsa shtoi se kjo është një barrë shumë e madhe që qytetarët iu kanë dhënë për të çuar përpara zhvillimin e vendit.

“Arritëm të marrim rezultat historik për partinë sepse për herë të parë pas 20 vjetësh PS është forcë e parë në këshillin bashkiak të Durrësit dhe në shumë vende të tjera, jemi bërë forcë e parë në këshillin bashkiak edhe në Shkodër e Tropojë. Kjo është një barrë shumë e madhe. Fakti që ne marrim rezultatin më të mirë historik në zgjedhjet vendore, është shprehje e një pritshmëri shumë të madhe, por jo e një kënaqësie të madhe e njerëzve me punën tonë. Njerëzit na mbështesin, por presin akoma më shumë. Do ishte gabim që ta merrnim këtë votë si kënaqësi”, tha Rama.

LEXONI GJITHASHTU:

• Rama reagon për situatën në veri, thirrje për të ndaluar dhunën
• Rama tur falënderues në Mat dhe Klos: Duke na votuar ne, na keni sfiduar