Burri vret me thikë partneren shqiptare në Zvicër, ishte nënë e 4 fëmijëve

Një ngjarje e rëndë ka ndodhur në Zvicër ku një shqiptare ka humbur jetën tragjikisht.

Mediat e huaja bëjnë me dije se 37-vjeçarja e cila është gjetur e vdekur brenda banesës së saj, dyshohet se është vrarë nga partneri i saj.

Bashkëshorti i gruas, 42-vjeçari nga Kosova është paraqitur në stacionin e policisë duke pretenduar se kishte plagosur partneren e tij. Pas kësaj, policia zvicerane kishte shkuar në banesën ku gjendej gruaja.

Pasi kishin hapur derën me dhunë, policia kishte gjetur viktimën e cila ishte goditur disa herë me thikë dhe kishte ndërruar jetë.

Partneri i saj i dyshuar për vrasjen u arrestua menjëherë nga policia e Bernës dhe iu dorëzua autoriteteve të Vaud për procedime të mëtejshme. Ndërkohë, mësohet se 37-vjeçarja ishte nënë e katër fëmijëve.

LEXONI GJITHASHTU: 

• Thethi “pushtohet” nga turistët, vizitorë nga bota vërshojnë në alpet shqiptare
• Britania fushatë për shqiptarët, mesazhi: Nëse vjen ilegalisht s’do të jepet azil