Von Cramon: Situata në Veri mund të parandalohej, të gjendet zgjidhje

Raportuesja për Kosovën në Parlamentin Evropian, Viola von Cramon foli për situatën e tensionuar në veri të Kosovës.

Në një deklaratë për mediat, ajo u shpreh se situata që është krijuar në Veri mund të parandalohej ndërsa theksoi se duhet të gjenden zgjidhjet e duhura deri në në zgjedhjet e ardhshme.

Mes tjerash ajo theksoi se nuk ishte e duhur vendi i betimit të kryetarëve të rinj të zgjedhur në komunat serbe duke nënvizuar se situata e krijuar është larg qëllimit të Kosovës.

“Pyetja a ka mundur të parandalohej kjo me një mos përpjekje për të mos hyrë atje. Duhet të gjenden zgjidhje të mençura, nga tani e deri në momentin kur të bëhen zgjedhjet e ardhshme. Për mua një formë e qeverisjes së mirë do ishte ndryshe se sa të hyhej atje me forcë. Mendoj se ka qenë e mençur që procedura e betimit të kryetarëve të mos mbahej brenda objekteve  të komunave. Ajo që ndodhi nuk ishte në përputhje me atë që duam të arrijmë. Ne duam mbështetje nga të gjitha palët”- tha ajo.

LEXONI GJITHASHTU: 

• Situata e tensionuar në veri të Kosovës, reagon KFOR-i
• Serbët vizatojnë simbolin e Putinit mbi automjetin e KFOR-it amerikan në Veri