Vllaznia largon trajnerin, Sedloski e mbyll me shkodranët, 3 fitore në 11 ndeshje

Vargu i pankinave në Superligën Shqiptare vijon edhe pse sezoni futbollistik ka përfunduar, ndërsa ishte radha e Goce Sedloskit. Tekniku maqedonas nuk është më pjesë e Vllaznisë, ndërsa lajmi është konfirmuar në rrjetet sociale në faqen zyrtare të klubit.

49-vjeçari mori timonin e skuadrës në fillim të muajit prill, por duket se nuk i ka bindur drejtuesit për të vijuar më tej bashkëpunimin mes palëve.

Sedloski e drejtoi Vllaznisë për 11 ndeshje, në kupë dhe kampionat nga ku mundi të fitonte vetëm 3 prej tyre. 4 barazime dhe 4 humbje ishte më tej bilanci i skuadrës shkodrane nën drejtimin e 49-vjeçarit.

Sedloski e nisi mirë aventurën me Vllazninë, duke mposhtur në ndeshjen e parë Erzenin në shtëpi me rezultat 3-1, por më pas situata pati luhatje.

Kujtojmë se maqedonasi zëvendësoi në pankinë Mirel Josën, ndërsa puna e të dyve bëri që Vllaznia të kapë kupat e Evropës, ndërsa në javën e fundit mposhti Bylisin. Ndryshimi i trajnerëve në Superligën Shqiptare mbetet një traditë e pandryshueshme, ndërsa janë mbi 10 teknikë të cilët janë shkarkuar gjatë sezonin 2022-2023.

LEXONI GJITHASHTU:

• Gjykata zbardh vendimin: Pse shpallëm të pafajshëm Fation Muratin
• “Pagat rrisin çmimet”, Sejko: Nëse rritet produktiviteti, inflacioni do jetë i ulët