Vangjush Dako para Gjykatës së Posaçme, gazetari tregon ç’pritet të ndodh

Ish- kryebashkiaku i Durrësit Vangjush Dako i cili akuzohet për korrupsion në dy raste ka dalë këtë të enjte para Gjykatës së Posaçme.

Gazetari Eni Ferhati në një raportim nga ambientet e gjykatës tha për Euronews Albania se ka mbërritur tashmë në gjykatë avokati i Vangjush Dakos, Petrit Ismaili si dhe avokatët e ish-zyrtarëve të tjerë të akuzuar, të cilët pritet të kërkojnë një masë më të ulët sigurie. Gjithashtu Ferhati tha se vijojnë të mbeten në kërkim 4 nga të akuzuarit e tjerë, për të cilët ka dyshime se mund të jenë larguar jashtë vendit.

“Ka nisur të zhvillohet seanca për komunikimin e masës së sigurisë ndaj ish-kryebashkiakut Vangjush Dako dhe disa ish zyrtarëve të tjerë në Bashkinë e Durrësit pas operacionit të zhvilluar nga SPAK dy ditë më parë. Të gjithë personat për të cilët është ekzekutuar masa e sigurisë arrest me burg apo arrest në shtëpi, janë paraqitur. Bëhet fjalë për 6 shtetas të cilët aktualisht kanë dalë para gjykatës, para gjyqtarit Erion Bani.

Konkretisht Vangjush Dako, ish-kryebashkiaku i Bashkisë së Durrësit, për të cilin është vendosur masa arrest me burg, Fiqiri Farruku, biznesmeni për të cilin gjithashtu është vendosur masa “arrest me Burg”, Adriana Buku “arrest me burg”, Adnan Tocilla “arrest me  burg”, Meri Semini “arrest në shtëpi”. Ndërkohë 4 persona vijojnë të mbeten në kërkim. Burime nga prokuroria e posaçme bëjnë me dije se mund të jenë larguar edhe jashtë vendit”,-tha Eni Ferhati.

LEXONI GJITHASHTU:

• “6 orë punë dhe pagë 1000 Euro”, sipërmarrësja: Kushtet e italianit për të punuar
• Senatorët: Kosova dhe Serbia të ulin tensionet, rrezikohen marrëdhëniet me SHBA