Somelierja: Vuçiç pëlqen verërat shqiptare, Kurti s’duhet të bëjë politikë me verën

Somelierja e vetme grua në Shqipëri, Entela, na tregoi në Real People, historitë e saj me disa prej personaliteteve më të famshëm botërorë dhe raportin e tyre me verën. Ndër të tjera, ajo foli edhe për Kryeministrin Albin Kurti, të cilit i këshilloi që ta shijojë verën ashtu siç është, si një qënie më vete, pa përfshirë politikën. Ndërsa për Presidentin Aleksandër Vuçiç, ajo tha se është njohës i mirë i verës dhe i pëlqen shumë verërat shqiptare.

“Në Gjermani i kam servirur verë kancerales Merkel në një event. Plus i kam servirur dhe kryeministrit dhe presidentit shqiptar. Kam bërë dhe degustime private për njerëz shumë potent që nuk mund t’i them. Kanë qenë njerëz të huaj që dëshirojnë të kenë dhe një element më shumë nga Shqipëria. Në 2017 kam qenë në kompeticion në Romë kam qenë me një kantinë shqiptare, në 99 italianë kam fituar. Probabiliteti ishte 1%, po ata nuk e dinë që ajo ishte një superverë shqiptare, kushtonte 10 euro, por fitoi çmimin se ishte e vitit 2007, një viti të mbarë prodhimi. Ne kemi kantina shumë të mira shqiptare.

Sarkozy e njeh shumë mirë verën. Por dhe kryeministri tonë është njohësh shumë i mirë i verërave. Blendi Fevziu e njeh shumë mirë verën. Edhe ish-kryeministri Berisha e ka pirë verën. Albin Kurti duhet të kuptoj se vera nuk ka politikë, është qënie. Ne shijojmë flasim bisedojmë dhe mbaron mbrëmja. Vuçiç e njeh verën. Në stendën e Balkan Open, i pëlqeu vera e kaninës Uka, e kantinës së Arbrit dhe Faba që fitoi dhe çmim”, tha ajo.

LEXONI GJITHASHTU: 

• Somelierja: Vera më e shtrenjtë që kam provuar, mbi 20 mijë £, normale, jo speciale
• Somelierja: Ja cilat janë gabimet që bëjmë kur pijmë verë