Shtyhet senca për dëshminë e Nuredin Dumanit

Shtyhet senca për dëshminë e Nuredin Dumanit.

Burime për Euronews Albania bëjnë me dije se arsyeja e shtyrjes është se Prokuroria ka siguruar prova të reja mbi disa ngjarje për të cilat dyshohet se është i përfshirë edhe Dumani.

Dëshmia e Nuredin Dumanit dhe mikut të tij Henrik Hoxhajt, ka vendosur autoritetet në lëvizje dhe kanë firmosur në total 32 urdhër-arreste dhe 15 urdhër-kontrolle. Dumani, javë më parë, ka zbuluar të dhëna të sakta për bosë të bandave kriminale në disa qytete të Shqipërisë, më konkretisht, Tiranë, Fier, Lezhë dhe Elbasan.

Ky i fundit ndodhet prapa hekurave i akuzuar për vrasje, mirëpo pas dëshmisë së Dumanit janë zbuluar implikime të tjera të tij. Dumani ka treguar detaje mbi një porosi vrasje. Sipas tij, një bos krimi i kishte ofruar 100 mijë euro për vrasjen e një personi, por që ekzekutimi nuk u krye për arsye ende të paditura.

Sa i takon Dumanit, ai u arrestua pak kohë më parë në Fier, fill pas atentatit të dështuar ndaj tij.

LEXONI GJITHASHTU: 

• Dyshohet se i ngacmoi të dashurën, shqiptari rreh për vdekje me grushte italianin
• “Një qeveri pa shqiptarë në RMV”, kushti i opozitës për Kovaçevskin