Situata në Veri, Kurti zbardh bisedën me Borrell dhe takimin me ambasasorët e QUINT

Kryeministri Albin Kurti në një deklaratë për mediat ka treguar se ditën e djeshme ka zhvilluar një bisedë telefonike me Përfaqësuesin e  Lartë të Bashkimit për Punë të Jashtme, Joseph Borrell, si dhe ka zhvilluar një takim me ambasadorët e QUINT.

Ai theksoi se gjatë takimit ka shprehur përkushtimin e plotë të qeverisë për  depërshkallëzimin e situatës në komunat e Kosovës dhe për normalizimin e marrëdhënieve me Serbinë.

“Tema e dytë për të cilën dua të flas është se ditën e fillova me një takim me ambasadorët e QUINT dhe shefin e misionit të BE, ku i njoftova për propozimin e Kosovës në lidhje me deskalimin e plotë të situatës në katër komunat në veri të vendit. Propozimin e kam ndarë me Borrell. Dje kam pasur një telefonatë me Borrell në lidhje me situatën në Veri dhe sot kam pritur në takim përfaqësuesit e QUINT. Dje kam qenë në komunikim të vazhdueshëm me Lajçak, me Borrell dhe ambasadorët e QUINT, ku kam shprehur përkushtimin e plotë të qeverisë për depërshkallëzimin e situatës në komunat e Kosovës dhe për normalizimin e marrëdhënieve me Serbinë”- tha Kurti.

LEXONI GJITHASHTU: 

• Draft-statuti i Ramës për asociacionin, vjen për herë të parë reagimi i Kurtit
• Kurti jep detaje për mbledhjen e përbashkët mes qeverive