Dardan Molliqaj: Ndërkombëtarët po ledhatojnë Vuçiçin

Kryetari i PSD-së Dardan Molliqaj tha në një intervistë për “Now me Erla Mëhillin” se ndërkombëtarët po ledhatojnë presidentin serb, Aleksandër Vuçiç mes tensioneve me Kosovën.

Ai kujtoi se në momentin që ndodhi lufta në Ukrainë, mediat ndërkombëtare duke cituar këtu BBC, The Guardian e me radhë, kanë folur për luftën sepse kanë menduar që do të fusin Kosovën në luftë me Serbinë.

“S’di a e dini po dilnin dhe flisnin se si Vuçiçi është Putini i vogël i Ballkanit. E sollën situatën pikërisht duke iu nënshtruar kësaj dëshirë të frikshme të tyre, e sollën situatën sot ku bashkësia ndërkombëtare po e ledhaton Vuçiçin, shumë herë dhe pa të drejtë dhe po sulmon, etiketon e sanksionon Kosovën. Mendo ku jemi sot, ndërkohë që një vit më herët kemi folur se si Putini i vogël i Ballkanit është Vuçiçi dhe presidentja e kryeministri jonë s’kanë lënë media ndërkombëtare pa folur për këtë punë e ja ku jemi sot,” – u shpreh Molliqaj.

Sipas tij gjithçka që po ndodh është dhimbja e fundit e Albin Kurtit para se ta pranojë draftin e asociacionit.

LEXONI GJITHASHTU:

• Nesër mblidhet Këshilli i Sigurisë së Kosovës
• Qeveria Kurti i heq licensën Klan Kosovës