Kosova sfidon Rumaninë, mijëra bileta të shitura në “Fadil Vokrri”

2 pikë në 2 përballjet e para kualifikuese ka grumbulluar Kosova në këtë rrugëtim drejt Europianit të 2024, ndërsa mbrëmjen e kësaj të premte e pret një ndeshje e vështirë.

Dardanët përballen në mbrëmje me Rumaninë, ndërsa 6 skuadra zbresin në fushë nga grupi I. Lojtarët e thirrur nga trajneri Alain Giresse kanë mbyllur përgatitjet, ndërsa janë të gjithë në dispozicion për ndeshjen ndaj Rumanisë, përvec dyshes Rashani-Zhegrova.

Kosova nuk pritet të ketë shumë ndryshime sa i përket vendosjes, ndërsa porta do t’i besohet Muric. Në mbrojtje emra si Vojvoda e Rrahmani janë të palëvzishëm, ndërsa ka dyshime për boshllëkun e lënë në këtë repart. Më tej në mesfushë Dresevic e Kryeziu pritet të jenë që nga minuta e parë në fushë, ndërsa Muslija do të mbështesë treshen e sulmit.

Kualiteti në repartin ofensiv është i lartë me Rashicën, Krasniqin dhe bomberin Vedat Muriqi. Përballja e tretë e dardanëve është pritur me shumë interes, ndërsa burimet bëjnë me dije se janë shituar më tepër se 14 mijë bileta.

Shkallët e stadiumit ‘Fadil Vokrri’ do të jenë plot e përplot, ndërsa lojtarët kanë detyrën të rrëmbejnë tre pikët. Në të njëjtin grup luhen dhe dy përballjet e tjera, Andorra-Zvicër dhe Bjellorusi-Izrael.

LEXONI GJITHASHTU:

• Peleshi: Të lirohen policët e Kosovës, e patolerueshme sjellja e Serbisë
• Nesër ndeshja Shqipëri-Moldavi, policia publikon rrugët që do bllokohen në kryeqytet