Spanja eleminon Italinë, iberikët do të përballen në finale me Kroacinë

Spanja ka avancuar për herë të dytë në finalen e Ligës së Kombeve, ndërsa e pret Kroacia e Zlatko Dalic. Iberikët mposhtën mbrëmjen e së enjtes ITalinë, duke siguruar një biletë për finalen e 18 qershorit.

Spanja zhvilloi një paraqitje të jashtëzakonshme duke dominuar axurrët, gjatë 90 minutave me këta të fundit që konkretizuan vetëm në 1 rast. Sfida do të zhbllokohej shpejt, ku në minutën e 3-të do të ishte Pino që do të mposhtte portierin Donnaruma. Nuk do të kalonte shumë kohë dhe Italia do të kundërpërgjigjej me Ciro Immobile, i cili ekzekutoi saktë një 11 metërsh.

Pjesa e parë u mbyll në shifrat 1-1, ndërsa e tillë dukej dhe e dyta, deri në minutën e 88’ ku Joselu shënoi golin e fitores, duke shtangur kundërshtarët. Kjo ishte fitorja e pestë e Spanjës në 10 ndeshjet e fundit me italianët, ndërkohë ishin pikërisht iberikët ata të cilët e eleminuan dhe në edicionin e shkuar.

Mbrëmjen e 18 qershorit Spanja do të përballet me Kroacinë, në një ndeshje e cila premton spektakël duke parë formën që po kalojnë të dyja përfaqësueset.

LEXONI GJITHASHTU:

• Spanja regjistron pranverën më të ngrohtë në histori: Pritet verë shumë e nxehtë
• Spanja shkon në zgjedhje të parakohshme paralmentare