Gjyqi i ri ndaj Navalnyt do të nisë brenda burgut

Një gjyq ndaj kritikut të Kremlinit, Aleksei Navalny, pritet të nisë të hënën, tha avokati i tij. Gjyqi do të mbahet në burgun ku ai aktualisht po mbahet, që gjendet rreth 260 kilometra larg Moskës.

Navalny ka kryer dy prej nëntë vjetëve të një dënimi paraprak dhe përballet edhe me akuza të reja, për të cilat mund të dënohet deri në 30 vjet burgim.

Ai përballet me shtatë akuza të reja, përfshirë themelimin dhe financimin e një organizate ekstremiste dhe minimizimin e nazizmit.

Kritiku i Kremlinit hedh poshtë të gjitha akuzat, që thotë se janë të motivuara politikisht. Gjyqi aktual ka nisur më 6 qershor, por deri tani janë zhvilluar vetëm çështje procedurale prapa dyerve të mbyllura.

Nga e hëna pritet që gjyqi të jetë publik, megjithatë në të nuk do të lejohen të marrin pjesë gazetarët, thanë avokatët e tij.

LEXONI GJITHASHTU:

• Gjykata europiane dënon Rusinë lidhur me helmimin e Navalnyt, ja gjoba që do paguajë
• Shkrimtarë, shkencëtarë, artistë, kërkojnë lirimin e Navalny-t