Shiten 27 mijë makina në 5 muaj, Volksvagen rritet në treg në vitin 2023

Në 5 muajt e parë të vitit 2023, në vendin tonë janë regjistruar 26 855 makina, duke e çuar numrin e përgjithshëm të mjeteve në qarkullim në 820 833.

Kërkesa për të marrë makina këtë periudhë është rritur gradualisht, pasi individët dhe bizneset në vend kanë parë një stabilizim të tregut të karburanteve, por edhe të inflacionit në përgjithësi.

Duke analizuar markat, Volksvagen ka zënë 24% të regjistrimeve të reja, ndjekur nga Benzi dhe Audi me 16 dhe 12%. Me këtë ritëm, Volksvagen shumë shpejt mund të bëhet makina e preferuar, status të cilin e mban prej vitesh marka Benz.

80% e makinave të blera janë porositur nga individët, të ardhura këto nga Italia, Gjermania e Zvicra e Koreja e Jugut.

Nëse shohim prirjen e tregut, makinat elektrike ende nuk po njohin rritje masive dhe kjo lidhet me çmimet dhe infrastrukturën në vend. Nga janari deri në maj në rrugë kanë hyrë vetëm 590 të tilla, ose 2.2% e totalit.

Bazuar në regjistrin e DPSHTRR-së dhe statistikave të popullsisë, del se në Shqipëri sot ka 1 makinë për 3.4 banorë.

LEXONI GJITHASHTU:

• Shqiptari ‘shpik’ makinën me 6 rrota që kushton 170 mijë euro
• Me makinën luksoze plot me drogë, arrestohet 48-vjeçari në Vlorë