Xhaçka takim lamtumire me Yuri Kim: E trishtë të shohësh një mike të largohet

Ministrja e punëve të jashtme Olta Xhaçka ka zhvilluar këtë të hënë një takim me ambasadoren e SHBA-së Yuri Kim.

Duket se kjo është hera e fundit që ato takohen ndërkohë që Kim është ambasadore, pasi siç shprehet Xhaçka kjo ka qenë vizita e fundit e saj si ambasadore e Shteteve të Bashkuara të Amerikës në Shqipëri.

“Mikprita sot Ambasadoren Yuri Kim në vizitën e saj të fundit si Ambasadore e Shteteve të Bashkuara të Amerikës në Shqipëri.

Është e trishtueshme të shohësh një mike të mirë të largohet. Kemi punuar shumë së bashku për avancimin e marrëdhënieve midis dy vendeve tona dhe i jemi mirënjohës Yurit që me zemër ka punuar për interesin më të mirë të Shqipërisë.

I urova gjithë të mirat në misionin e saj të ri e të rëndësishëm. E sigurtë që rrugët tona do të kryqëzohen sërish në të ardhmen”,-shkruan Olta Xhaçka.

1/2 Welcomed today 🇺🇲Amb.Yuri Kim @USAmbAlbania in her last visit as Ambassador of the 🇺🇲 to #Albania. It is sad to see a good friend go. We have worked so hard together to advance relations btw our countries & I am grateful to Yuri for having 🇦🇱’s best interest at heart. pic.twitter.com/oAtNq9DLFa

— Olta Xhaçka🇦🇱 (@xhacka_olta) June 19, 2023