Muzeu historik i Fierit zhvillon aktivitete në nderim të Pierre Cabanes

Një aktivitet në përkujtim të historianit francez Pierr Kaban (Pierre Cabanes), ndarë nga jeta disa ditë më parë, u organizua në mjediset e Muzeut Historik Fier.

Ai ka meritën e organizimit në Francë të kongreseve ndërkombëtare për arkeologjinë dhe historinë antike të Epirit dhe Ilirisë së Jugut. Sipas Bashkim Vrekaj si një mik i arkeologjisë shqiptare, historiani francez Kaban, ka dhënë një tjetër kontribut të rëndësishëm në formimin e arkeologëve të rinj shqiptarë nëpërmjet akordimit të bursave të studimit nga ana e qeverisë franceze.

“Kontributi i prof. Cabane(Kaban) është i gjithëanshëm, jo vetëm në fushën e historisë me botimet për Epirin dhe Ilirinë e Jugut, por edhe në fusha të tjera. Ai në traditën e Leon Reit themeloi misionin Arkeologjik Epigrafik në Apolloni që në vitin 1992, i cili vazhdon edhe sot aktivitetin e vet me gërmime dhe botime. Gjithashtu ka dhënë kontribut të rëndësishëm për formimin e arkeologeve të rinj shqiptarë duke krijuar mundësinë e studimeve pasuniversitare ne Francë me bursa nga qeveria Franceze”,-tha profesor Bashkim Verkaj.

Në sajë të misionit Shqiptaro-Francez rifilluan gërmimet në qytetin antik të Apolonise si edhe u mundësuan edhe botimet për këtë qytet antik. Ndërkohe drejtoresha e Parkut Kombëtar Arkeologjik te Apolonise Ornela Dyrmishi u shpreh se historiani ka bërë një pune të palodhur shkencore ne promovimin e historisë dhe kulturës së lashtë së Shqipërisë në nivel europian.

“Prof Cabane ishte një piknisje shume e mire ne fakt për rinisjen e gërmimeve ne Parkun Arkeologjik te Apolonise, që vazhdojnë edhe sot. Zbulimet janë një prurje e re për vizitoret pasi me to rritet interesi per te vizituar Apolloninë. Janë të shumtë vizitorët e huaj dhe kryesisht ata Franceze”, -tha Ornela Dyrmishi, drejtore e parkut arkeologjik.

Fale gërmimeve të reja në Apoloni është rritur ndjeshëm dhe interesi i turistëve vendas e të huaj për ta vizituar parkun arkeologjik.

LEXONI GJITHASHTU:

• Atmosferë e veçantë në Gjirokastër, 1200 artistë performojnë në festivalin folklorik
• ARBK anulon vendimin, pezullohet sërish licenca e Klan Kosovës