Ku është Putin? Avioni presidencial raportohet të ketë lëvizur nga Moska

Zëdhënësi i Kremlinit, Dmitry Peskov, i tha agjencisë së lajmeve TASS se presidenti rus Vladimir Putin “po punon në Kremlin” në Moskë.

Por, ndërsa mercenarët e Ëagner-it me sa duket përpiqen të shkojnë në kryeqytet, në media sociale është paraqitur dhe lëvizja e avionit presidencial rus sipas Flight Radar.

Avioni i Putinit – avioni special Il-96-300PU – u largua nga Moska në orën 14:16 (11:16 GMT) dhe u nis në veri-perëndim, sipas shërbimit të gjurmimit FlightRadar. Më pas avioni me sa duket u zhduk nga sistemi pranë qytetit të Tverit, në veriperëndim të Moskës.

Por, natyrisht, nuka ka asnjë të dhënë nëse brenda avionit shtetëror ishte vetë presidenti rus.

Putini shpenzon shumë kohë në rezidencën e tij të madhe në liqenin Valdai, që ndodhet në veri-perëndim të Moskës, dhe ndoshta mund të jetë vendosur aty.

LEXONI GJITHASHTU:

• Ministria e Punëve të Jashtme Ruse reagon për rebelimin, kërkesa për Perëndimin
• Moska përgatitet për luftë, barrikada me mitralozë e autoblinda rrethojnë qytetin
• Ministri i Jashtëm ukrainas thirrje Perëndimit: Koha t’i japin fund të keqes