Sulmi me granata në komunën e Mitrovicës së Veriut, Albin Kurti thirrje Serbisë

Kryeministri i Kosovës, Albin Kurti, i ka bërë thirrje Serbisë që të mos nxisë dhunë, pas sulmit me granatë dore në para komunës në Mitrovicë të Veriut.

Kurti në një postimi që ka bërë në rrjetet sociale, ka përmendur rrezikun e humbjes së jetëve, si pasojë e veprimeve të tilla.

“Mbrëmë ndërtesa e komunës në N. Mitrovicë është sulmuar nga 2 granata dore, duke shkaktuar dëme në veturat e afërta. Fatmirësisht asnjë person nuk u lëndua, por mund të kishte ndodhur lehtësisht. I bëj thirrje Serbisë që menjëherë të ndërpresë nxitjet për dhunë para se të humbasin jetë”- shkruan ai.

Ndërtesa e komunës në veri të Mitrovicës është sulmuar me granatë dore, mbrëmë në orët e vona. Policia e Kosovës konfirmon se nuk ka të lënduar, përveç dëmeve materiale të shkaktuara në dy makina zyrtare policore.

Tensionet atje janë rritur prej 26 majit, kur kryetarët e rinj shqiptarë të komunave në veri – të banuara me shumicë serbe – kanë hyrë në ndërtesat komunale të Zveçanit, Leposaviqit dhe Zubin Potokut.

LEXONI GJITHASHTU: 

• 2.7 milionë euro drogë e sekuestruar, pamjet nga operacioni i SPAK
• Trafiku i kanabisit çokollatë, zbardhen emrat e të arrestuarve