Situata e kampionit të Moto Gp, Marquez mendon tërheqjen: Momenti më i keq

Marc Marquez numëron plot 8 tituj të Moto Gp, por ky aktual cilësohet padyshim sezoni më negative në karrierë.

30-vjeçari ka marrë pjesë vetëm në 3 nga 8 garat e zhvilluara, ndërsa aktualisht renditet në vendin e 19 në kampionat. Gjendja fizike e spanjollit ka shfaqur problem, ndërsa rigjetja e formës do të jetë tepër e vështirë, ndërsa tërheqja nga Moto Gp, nuk është më një tabu.

“Do të kthehem me impenjimin e përhershëm, por tani jam në një pikë shumë të ulët dhe nuk mund të mendoj për të ardhmen”.

Më tej, Marquez shton se vendi i parë nuk është më një objektiv për të, madje as në dhjetshen më të mirë.

“Tani është momenti për të reflektuar. Më duhet të ndryshoj mënyrën time të përballuarit të garave, pasi nuk jemi më në gjendje për të luftuar për fitore. Projekti nuk është për të qenë në krye, madje as për në “top-10”. Nuk mund të luftoj kundër botës edhe pse jam një luftëtar”- tha ai.

Markez ka pësuar lëndime të njëpasnjëshme që prej vitit 2020, ndërsa ka humbur 32 nga 62 garat e zhvilluara në total.

LEXONI GJITHASHTU: 

• Automjeti përplaset me motorin në Sarandë, humb jetën 35-vjeçari
• Analisti: Vuçiç po përgatitet, kërcënon se do blejë avion gjuajtës!