Gazetarja për përfundimin e Open Balkan: As nuk dështoi, as e kreu misionin, por…

Gazetarja Gerta Zaimi tha në një intervistë për Euronews Albania se Ballkani i Hapur as nuk dështoi, por as nuk e kreu totalisht misionin.

Sipas saj kanë qenë rrethanat politike të rajonit që përcaktuan mbylljen përfundimtare të kësaj iniciative.

“Nuk do thosha dështoi, nuk do thosha as që e kreu totalisht misionin sepse janë rrethanat politike të rajonit që përcaktuan mbylljen e Open Balkan, kështu që ndoshta po të kishte qenë situata më ndryshe…degjo, duhet bërë një lexim pak politik i asaj që ndodhi. Open Balkan që në fillim fare kur u nxor doli menjëherë dhe qe me shtytje kryesisht të Shteteve të Bashkuara të Amerikës dhe ishte një tentativë, një sforco për të shtyrë ato që ishin politikat evropiane në lidhje me Ballkanin Perëndimor, për faktin se Procesi i Berlinit tregoi në një farë mënyre që nuk po ecte përpara, pra kishte ngelur i ngrirë dhe i bllokuar, le të themi në vend numëro, kjo dhe për fajin e politikës evropiane, por dhe për faj të Merkelit megjithëse Merkeli është lënduar goxha nga kryeministri jonë, por le të themi që Procesi i Berlinit pati stopime të fuqishme dhe për shkak të politikës së Merkelit,” – u shpreh Zaimi.

Ishte vetë kryeministri Rama ai që konfirmoi mbylljen e Open Balkan në një intervistë për Euronews Albania me argumentin se e kreu misionin.

LEXONI GJITHASHTU:

• Berisha: Open Balkan ishte projekt anti-shqiptar, e mbështeste vetëm Soros e Lavrov
• “Open Balkan”, Zeka: Rama ra në kurthin lobimeve pro-serbe e pro- ruse