Rast suksesi me beben e lindur para kohe në “Koço Gliozheni”

Për herë të parë në Maternitetin “Koço Gliozheni” u aplikua një procedurë e re, vendosja e një linje venoze nga vena periferike, deri në afërsi të hyrjes në zemër (long line), duke i mundësuar Rodenit të ardhur në jetë prematurë, me një peshë shumë të vogël, të rikuperohet shpejt, duke e fituar betejën për jetën.

Ministrja e Shëndetësisë dhe Mbrojtëse Sociale, Ogerta Manastirliu nëpërmjet postimit në Facebook ka dhënë lajmin e mirë për vogëlushin e shpëtuar.

Falë procedurës së re të aplikuar nga stafi i trajnuar i Shërbimit të Neonatologjisë në bashkëpunim me  Spitalin Universitar ‘Saint Luc’ në Bruksel, Rodeni ka dalë nga spitali në gjendje shumë të mirë shëndetësore.

Nga procedura e re që po aplikohet, arrihet marrja e te gjitha mjekimeve dhe ushqyerjes parenterale, shmangen procedurat e shpeshta infermierore tek bebet, duke ndikuar kështu në parandalimin dhe kontrollin e infeksioneve, si dhe u mundësohet fëmijëve të lindur para kohe, një rikuperim më i shpejtë dhe i sigurt.

LEXONI GJITHASHTU:

• Bonusi i bebes “jo” emigrantëve, përfitues vetëm ata që jetojnë në Shqipëri
• 1 në 10 bebe lindin parakohe, OBSH: 13,4 mln foshnje gjatë vitit 2020