Atentati në Larushk| Bejtja nuk ndodhej në banesë, si iu bë pritë kunatit dhe djalit

Të dhëna të reja janë mësuar mbi atentatin e mesnatës në Larushk, ku ndërroi jetë Ramazan Sino dhe u plagos nipi i tij Alvi Bejtja.

Dajë e bir dyshohet se janë qëlluar me breshëri plumbash sapo kanë mbërritur në banesë me makinën e tyre. Sapo kanë dalë nga automjeti dhe janë afruar në oborrin e banesës, ndaj tyre është qëlluar me breshëri kallashnikovi.

Dyshohet se autorët janë tre persona, të cilët kanë ndjekur lëvizjet e Sinos dhe nipit të tij deri në momentin që kanë mbërritur në banesë.

Dy persona kanë pasur rolin e ekzekutorit, ndërsa një persona ka drejtuar automjëtin e autorëve tip “Volswagen, që 25 minuta pas ngjarjes u gjet i djegur në fshatin Tapizë. Zona ku ka ndodhur ngjarja nuk ka kamera sigurie, pasi janë sekuestruar më parë nga policia në kuadër të operacionit “Fijet”.

Burime për Euronews albania bëjnë me dije se Gentian Bejtja, babai i Avi Bejtjes nuk ka qenë në banesë në momentin kur ndodhi atentati.

Automjeti me të cilin u krye atentati rezulton i vjedhur në Tiranë. Brenda mjetit të djegur janë gjetur dhe dy armë tip kallashnikov të përdorura në këtë ngjarje.

LEXONI GJITHASHTU:

• Ish-mik i Durim Bamit| Kush është Gentjan Bejtja, objektiv i atentatit në Krujë
• EMRAT| Viktima në Krujë ishte për vizitë te nipi, gjendet një automjet duke u djegur
• Breshëri kallashnikovi ndaj banesës në Krujë, 1 viktimë, plagosen dy të mitur