Gjendet një trup i pajetë në një makinë në Durrës, detajet e para

Një trup i pajetë është gjetur në një automjet mëngjesin e kësaj të marte në lagjen nr.4 pranë shkollës 9-vjeçare “Jusuf Puka” në Durrës.

Sipas informacioneve të ardhura nga policia viktima është qytetari A.R. 39 vjeç, i cili banon në Krujë.

Policia dhe ambulanca kanë shkuar në vendngjarje, ndërkohë që trupi është tërhequr drejt morgut për autopsi.

Nga dyshimet paraprake mendohet që të ketë vdekur për shkaqe natyrore, pasi nuk janë konstatuar shenja dhune.

Njoftimi i policisë:

Rreth orës 10:35, në një automjet në lagjen nr. 3, është gjetur pa shenja jete shtetasi A. R., 39 vjeç, banues në Krujë, i cili paraprakisht dyshohet se e ka humbur jetën për shkaqe natyrale.

Nga këqyrja paraprake e trupit të 39-vjeçarit, nuk janë konstatuar shenja dhune.

Grupi hetimor dhe ekspertët e mjekësisë ligjore, vijojnë punën për përcaktimin dhe dokumentimin ligjor të shkakut të vdekjes së 39-vjeçarit.

LEXONI GJITHASHTU:

• Makina ‘fluturon në ajër’ kalimtarin në Vlorë, arrestohet drejtuesi i mjetit
• Atentati në Larushk| Policia: U plagosën 2 fëmijë të mitur, 3 të shoqëruar