“Guxim që s’e ka pasur as diktatura”, Vasili: S’do të duan të studiojnë mjekësi

Nënkryetari i Partisë së Lirisë, Petrit Vasili mbajti fjalën e tij në Kuvend ndërsa diskutohej për studentët e mjësisë.

Sipas tij studentët jo vetëm që nuk do të pranojnë të qëndrojnë për të punuar 5 vite me detyrim pas përfundimit të viteve akademike, por do të dekurajohen për të studiuar mjekësi dhe ata të rinj që mbarojnë gjimnazin.

“Ftesa e bërë për mos t’u ngutur për këtë nismë vë parlamentin në shinat e procedurave që ndihmojnë ligjet. Ka 3-4 elemente që duhet të shihen. Nuk e zgjidh problemin kjo gjë. Kujtohet mazhoranca pas 10 vitesh dhe shpërbën sistemin universitar me atë guxim që se ka pasur as diktatura. Këtu jemi në kufijtë e budallallëkut. Tërhiquni nga kjo gjë se nuk e zgjidh problemin, por dekurajon studimin në mjekësi,” – u shpreh Vasili.

Qeveria shqiptare ka marrë vendimin për të miratuar një projektligj, i cili ka të bëjë me një paketë mbështetjeje për trajtimin e veçantë të studentëve që ndjekin studimet në Mjekësi të Përgjithshme në institucionet publike të arsimit të lartë.

Sipas këtij projektligji, studentët që do të pranohen në vit të parë në Mjekësi, do të nënshkruajnë një marrëveshje per t’u punësuar për 5 vite në Shqipëri pas përfunidmit të studimeve, duke ju garantuar punësimin dhe politika të tjera lehtësuese. Ndërsa, studentët që janë në proces studimi, do të kenë mundesi zgjedhjeje mes punësimit të sigurt, me detyrimin për të punuar për 3 vite në Shqipëri, nëse janë studentë të vitit të dytë deri në të katërtin; studentët e vitit të pestë dhe të gjashtë me detyrimin për të punuar 2 vite në Shqipëri, ose, në të kundërt, do të paguajnë koston reale të tarifës së studimit për vitet e mbetura.

LEXONI GJITHASHTU:

• “Mos u bëni mish për top”, Balla: Studentët e mjekësisë që s’firmosin të paguajnë
• Çfarë parashikon projektligji për studentët e mjekësisë, kontrata që do të firmosin