Kryetari i Zveçanit shkarkon nënkryetaren serbe: Tejkaloi kompetencat

Kryetari i Zveçanit, Ilir Peci ka shkarkuar nga detyra nënkryetaren e komunës Sladjana Pantovic.

Ai tha se këtë vendim e ka marrë pasi ajo s’i ka përmbushur detyrat e ka tejkaluar kompetencat.

“Sot kam vendosur që ta shkarkoj nga detyra nënkryetaren e komunës, zonjën Sladjana Pantovic. Ky vendim vjen si pasojë e mospërmbushjes së detyrave nga ana e saj, tejkalimit të kompetencave, si dhe mos punës në shërbim të të gjithë qytetarëve të komunës”, ka njoftuar kryetari Peci në Facebook.

“Pavarësisht kësaj, unë do të vazhdoj të punoj dhe shërbej bazuar në obligimet, detyrat dhe kompetencat e mia si kryetar i të gjithë qytetarëve të Komunës së Zveçanit, pa dallim”, shton ai.

Pantovic ishte emëruar nënkryetare e Zveçanit nga kryetari Ilir Peci. Ajo ishte edhe kandidate për kryetare të kësaj komune në zgjedhjet e jashtëzakonshme të 23 prillit.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• Serbët nisin grumbullimet në Veri, kryetari i Zveçanit e kalon natën në zyrë
• Flamuri i Kosovës vendoset edhe në komunën e Zveçanit