Studentja e mjekësisë përplaset me zv. ministren: Po na i fundosni ëndrrat

Studentja e mjekësisë, Dea Guri debatoi me zv.ministren e Shëndetësisë Etleva Kolovani lidhur me pr.ligjin e miratuar pak ditë më parë që i detyron ata të shërbejnë 5 vjet në Shqipëri.

Zv. ministrja u shpreh se pr.ligji i miratuar nuk ja vështirëson jetën Deas dhe studentëve si ajo, ashtu siç pretendojnë, pasi me të mbaruar vitin e gjashtë shteti do t’i ofrojë punë të shërbejë në spitale për t’i shërbyer vendit të saj.

Sipas studentes, me këtë vendim, qeveria është duke fundosur ëndrrat e studentëve të mjekësisë për t’i shërbyer publikut.

“Siç i nxjerr qeveria vendimet brenda ditës ne tani duhet të firmosim për të papriturat. Ajo që më bën habi është që gjithë kjo procedurë e përshpejtuat po paraqitet si atdhedashuri. A s’e mendoni se këta mjekë kanë nevojë t’i nxisni, t’i motivoni? A nuk mendoni se kjo ëndrra jonë alla shqiptare duhet të jetë e mirështruar. A s’e mendoni se kur të na çoni nëpër Shqipëri s’keni qendra shëndetësore. A nuk mendoni se nuk do pranonit këto kushte për fëmijën tuaj?” iu drejtua studentja zv/ministres.

“Për sa kohë jam mjeke vetë, kam punuar vite të tëra, kam kontribuar 26 vjet në atdheun tim. Ato për të cilat Dea flet i njoh shumë mirë se kam pasur lidhje të fortë me studentët. Ëndrrat e Deas janë shumë të bukura për të shërbyer. Nëse Dea s’e përmbush detyrimin, do ta tërheq diplomën pasi ta ketë plotësuar detyrimin”, u përgjigj zv.ministrja.

Për të ndjekur kanalin e youtube të Euronews Albania KLIKO KËTU!

LEXONI GJITHASHTU:

• “Ligji për studentët e mjekësisë i mirëmenduar”, zv.ministrja: Ja çfarë përfitojnë
• Studentët e mjekësisë në protestë: Anuloni projekt-ligjin ose do bojkotojmë vitin