SPAK kërkon nga Kuvendi autorizim për arrestimin e Arben Ahmetaj

SPAK i është drejtuar me një kërkesë zyrtare Kuvendit të Republikës së Shqipërisë, ku i kërkon autorizim për arrestimin e ish-zëvendëskryeministrit Arben Ahmetaj.

Shkresa e Prokurorisë së Posaçme ka mbërritur në ambientet e Kuvendit dhe tashmë i takon Këshillit të Mandateve nëse do të lejojë arrestimin e deputetit socialist.

Burime bëjnë me dije se në kërkesën drejtuar Kuvendit, autorizimi kërkohet për heqjen e lirisë së Ahmetaj dhe kontrollin e banesës së tij.

Kujtojmë se Ahmetaj është nën hetim nga Prokuroria e Posaçme në lidhje me çështjen e inceneratorëve.

Më herët organi i akuzës ka kryer kontrolle në banesat e ish-bashkëshortes dhe bashkëjetueses së Ahmetaj, ku janë sekuestruar dhe një sasi parash.

Ahmetaj po hetohet rreth dyshimeve për të paktën 4 vepra penale:

• Mos deklarimi apo fshehja dhe deklarimi i rremë i pasurive,
• Korrupsioni pasiv i funksionarëve të lartë,
• Pastrimi i parave,

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• Ahmetaj mund të njihet sot akuzën nga SPAK, 4 veprat penale që rëndojnë mbi të
• Gjykata e Lartë rrëzon rekursin e Arben Ahmetajt për kontrollin e vilave