Ahmetaj në burg? Arian Çani: Ishte e pritshme, dëshmor i drejtësisë së re

Gazetari Arian Çani është shprehur se kërkesa për arrestimin e Arben Ahmetajt ishte e pritshme, vetëm se nuk dihej data.

Në një intervistë për emisionin ‘Now’ në  Euronews Albania, ai tha se në fund do të vendos Gjykata, ndërsa theksoi se Ahmetaj është dëshmor i drejtësisë së re.

Më tej Çani nënvizoi se çështja e Ahmetajt është episod i një seriali të gjatë.

“E pritshme ishte, vetëm se nuk dihej data. Ajo që vendos në fund të kësaj është Gjykata. Deri në këto momente ai është i pafajshëm. Unë do i përkisja turmës së madhe që të varet. Po ta hedhësh individin te turmat, turmat e shqyejnë. Popullin mos e fut fare në këtë mes. Populli po të donte që vendi të ndryshonte do mbushte rrugët. Kjo histori që ne po shohim është episodi i një seriali të gjatë. Këta njerëz janë dëshmorët e drejtësisë së re, do të ketë të tjerë mbrapa. Për t’i dhënë legjitimitet kësaj drejtësie duhet të ketë dëshmorë, nuk ka rëndësi nëse janë të fajshëm apo të pafajshëm”- tha ai.

LEXONI GJITHASHTU: 

• “I ngrirë nga drejtësia”, Prençi: Koha që Ahmetaj të flasë për inceneratorët
• Hovenier pas takimit me Kurtin: Tensionet ndikojnë negativisht te investimet e huaja