“Rama po fiton pikë”, Çani: Ja kur do të hyjë Shqipëria në një epokë të re politike

Gazetari Arian Çani është shprehur se Shqipëria do të hyjë në një epokë të re politike në momentin që preken një nga katër ose tre figurat kryesore në Shqipëri.

I ftuar në emisionin “Now” në Euronews Albania, ai theksoi se me arrestimet që po bëhen nga PS, kreu i qeverisë po fiton pikë.

Më tej ai theksoi se pas figurave politike të PS, SPAK do kalojë dhe nga opozita.

“Shqipëria do të hyjë në një epokë të re politike në momentin që preken një nga katër ose tre figurat kryesore në Shqipëri, kryeministri, kryetari i opozitës dhe ndonjë kryetar tjetër opozite. Deri në momentin që këta nuk preken, nuk ka rëndësi fare kush vete në burg. Rama vetëm fiton pikë sepse po i thotë popullit që po pastron kancerin nga trupi i tij. Kjo nuk është rastësi, pas njerëzve të Ramës do fillojë radha dhe nga ata të opozitës. Drejtësia nuk është e pavarur, kushdo që e mendon këtë është ose naiv ose idiot. E gjitha është me regji qendrore.”- tha Arian Çani.

LEXONI GJITHASHTU: 

• Ahmetaj në burg? Arian Çani: Ishte e pritshme, dëshmor i drejtësisë së re
• “Lanë gjurmë kur bën pagesat”, Lita: Si e implikuan Ahmetajn, Zoto e Mërtiri