“Po heshtim se respektojmë drejtësinë”, Manja-opozitarëve: Ju po i shërbeni krimit

Ministri i Drejtësisë Ulsi Manja tha në seancën plenare të kësaj të enjte se duke kërkuar që ndryshohet rendi i ditës, deputetët e opozitës po i shërbejnë krimit.

Ai tha se heshtja e deputetëve socialist për rastin e Ahmetajt, vjen pasi ata respektojnë drejtësinë dhe rasti i tij është një punë që tashmë i takon organeve të drejtësisë, ndërsa parlamenti duhet të vijojë me punën që i takon.

“Kërkoj që të vazhdojmë me rendin e ditës, sepse heshtja jonë sot ka të bëjë me respektin për drejtësinë, por jo me respektin për një pjesë të këtyre kolegëve këtej sepse kur të vijë puna të na bëjnë moral për ndershmërinë, për politikën dhe për drejtësinë një pjesë e juaja këtej është fundi i parlamentarizmit.

Heshtja jonë ka të bëjë vetëm me atë për të cilën në korrik të vitit 2016 u pajtuam për të votuar reformën në drejtësi. Kjo që bëni ju sot të nderuar kolegë, është shërbimi më i mirë që i bëni anti-shtetit, që i bëni krimit. Këto porosi i keni marrë nga krimi dhe mesazhin e krimit po kërkoni ta përcillni në sallën e parlamentit. Zonja kryetare, drejtësia të vazhdojë me punën e vetë, ky parlament të merret me punën që i takon”,-tha Ulsi Manja.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• “Faji i bashkisë”| Arrest në shtëpi për administratorin e plazhit në Vilë-Bashtovë
• PD kërkon ndryshimin e rendit të ditës në Kuvend: Të shqyrtohet kërkesa për Ahmetajn