Softa: Njerëz me influencë kontrollojnë komisariatet, qytetet ku dominojnë të fortët

Eksperti i sigurisë Fatjon Softa, ishte i ftuar këtë të martë në Euroneës Albania ku foli në lidhje me situatën e rendit publik në vend. Softa theksoi se në zona të caktuara policia nuk mund të ushtrojë detyrën e saj funksionale për shkak se persona me influencë që diktojnë mbi punën e komisariateve.

Eksperti nënvizoi se deklaratat e ministrit të ri të Brendshëm se deputetët nuk duhet të ndikojnë mbi punën e policisë, qëndrojnë, por shtoi se mbetet për t’u parë nëse ministry do të arrijë t;i vendosë në zbatim deklaratat e tij.

“Persona me influencë diktojnë mbi komisariatet dhe komisariatet janë kthyer në shërbim të tyre. Kjo është arsyeja që fëmijët e tyre kanë një pushtet absolut dhe nuk kontrollohen as makinat, as aktivitetet, ata kanë pamundësi që shërbimet e policisë të ushtrojnë detyrat e tyre fundksionale. Dhe kjo është gjendja reale në shumë vende që në shumë vende si Shkodra, Fushë-Kruja, Kruja, Durrësi, Elbasani dhe Vlora dominojnë të fortët, ata persona apo të grupe që kanë një fuqi të jashtëzakonshme ekonomike që mund të kenë vendosur dhe deputetin e tyre. Gjërat që tha Balla qëndrojnë, por mbetet për t’u parë nëse do t’i vendosë në zbatim apo jo”, tha Softa.

LEXONI GJITHASHTU:

• Balla jep “urdhrin”: Të ndalohen sa më parë djali e vëllai i mikut tim Rrahman Rraja
• Balla porosi drejtuesve të policisë: Asnjë deputet të mos ndërhyjë në punën tuaj