Lajm i mirë për shqiptarët në RMV, Kasami: Do kemi një front opozitar të bashkuar

Kryetari i Levizjes Besa në Maqedoninë e Veriut Bilall Kasami është shprehur se shumë shpejt mund të kenë një koalicion të zgjeruar opozitar ku fillimisht do të marrin pjesë tre parti.

I ftuar në Euronews Albania, ai theksoi se koalicioni do të përfaqësojë shqiptarët në institucionet e Maqedonisë së Veriut.

“Tek shqiptarët e Maqedonisë së Veriut, kemi rrotacion pas 20 vitesh. Në këto rrethana po jap lajmin e mirë për shqiptarët në Maqedoninë e Veriut, se shumë shpejtë mund të kemi dhe një formalizim i një koalicioni të zgjeruar opozitar ku fillimisht do të jenë  tre subjekte politike, Lëvizja Besa, Alternativa dhe subjekti i dalë nga BDI-ja. Po ashtu janë të mirëpritura dhe të gjithë ato forca opozitare të cilat e duan dhe një subjekt apo koalicion që përfaqëson shqiptarët në institucionet e Maqedonisë së Veriut”- tha ai.

LEXONI GJITHASHTU: 

• Trumpi thotë se është objektiv i hetimit në përpjekjet për të përmbysur zgjedhjet
• 4 vite rrugëve, 4 muaj pa bonus qiraje| Banorët e pallatit në Durrës protestojnë