Bayern shkëlqen në miqësore, rekordmenët e Gjermanisë të pamëshirshëm, fitojnë 27-0

18 gola në pjesën e parë dhe 9 në të dytën, Bayerni i Mynihut ka shkatërruar me rezultatin 27-0 Rottach Egern në miqësoren e luajtur të hënën.

Bavarezët treguan forcën e plotë ndaj një skuadre që luan në kategoritë inferior të futbollit në Gjermani.

Goli i parë i ndeshjes do të shënohej nga Musiala në minutën e 3’, i cili gjeti 5 herë rrjetën në këtë përballje së bashku me Tel e Marcel Sabitzer. Festës do t’i bashkohej e Sane, Mane, Mazroui apo futbollistët e transferuar pak javë më parë, Konrad Laimer e Raphael Guerreiro.

Kjo është fitorja më e thellë në historinë e Bayernit, ndërsa edhe në vitin 2019, bavarezët e mposhtën po këtë skuadër me rezultatin 23-0, duke e cilësuar si një ogur në nisje të sezonit të ri futbollistik. Po ashtu këtë të martë, Bayern ka prezantuar dhe blerjen më të re, Kim Min Jae, koreanojugorin e transferuar nga kampionët e Italisë. Kim u takua me shokët pas ndeshjes miqësore të fituar nga Bayern.

LEXONI GJITHASHTU: 

• UEFA gjobit Federatën Shqiptare të Futbollit
• Takimi Kosovë-Serbi në Bruksel, kryenegociatorët takohen për vijimin e dialogut