‘Ja pse SHBA dhe BE u kthyen kundër Albin Kurtit’, flet eurodeputeti austriak Waitz

Deputeti austriak i parlamentit europian Thomas Waitz, ka komentuar situatën e tensionuar në Veri të Kosovës.

Në një intervistë për “Balkan Talks” në Euronews Albania, ai nënvizoi se është i zemëruar pasi të gjithë po drejtojnë gishtin nga Kosova ndërkohë që sipas tij shkaqet kryesore të kësaj dhune dhe gjithë këtyre polarizimeve shumë të rënda janë të drejtuara qartë nga pala serbe.

“Absolutisht, dhe më ka shkaktuar goxha zemërim; pasi pas këtyre shkeljeve dhe ngjarjeve të dhunshme kundër ushtarëve të KFOR-it, të gjithë po i drejtonin gishtin qeverisë së Kosovës, edhe pse, duke marrë parasysh gabimin politik, ishte një hap absolut legjitim për të siguruar një përfaqësim politik në territorin e Kosovës. Shkaqet kryesore të kësaj dhune dhe gjithë këtyre polarizimeve shumë të rënda janë të drejtuara qartë nga pala serbe. Domethënë, si mund t’u kërkoni… le të themi, kolegëve tuaj në anën kosovare të mos futen në zgjedhje dhe pastaj të ankoheni për rezultatin? Si mund të drejtoni dhunën, të drejtoni polarizimin dhe më pas të habiteni që ka një situatë të polarizuar? Ndaj, Komuniteti Ndërkombëtar u mësua kaq shumë me z. Vuçiç, që firmos, ose më saktë, s’firmos marrëveshjen. Ose të paktën t’i pranon marrëveshjet. Një ditë më pas, bëri të kundërtën. Askush s’habitet më me këtë”- tha ai.

LEXONI GJITHASHTU: 

• Ulje e numrit të turistëve në Mesdhe, ndikim temperaturat e larta
• Humb jetën 68-vjeçari në Porto Romano, dyshimet e para