Lëvizte i armatosur dhe në gjendje të dehur, arrestohet i moshuari në Lushnjë

Një 75-vjeçar është arrestuar në Lushnje pasi u kap ndërsa lëvizte i armatosur me armë zjarri dhe në gjendje të dehur në sheshin e Bashkisë së Lushnjës.

Policia i sekuestroi armën e zjarrit tip pistoletë, me krehër dhe fishekë të vendosur në të.

“Shërbimet e Komisariatit të Policisë Lushnjë, pas informacioneve të marra nga inteligjenca informative se 1 shtetas i cili ndodhej në sheshin e Bashkisë Lushnjë, kishte armë zjarri me vete, vlerësuan informacionin dhe shkuan menjëherë në vendngjarje, ku bënë të mundur kapjen dhe arrestimin në flagrancë të këtij shtetasi, i cili ishte në gjendje të dehur.

Gjatë kontrollit personal, në brez, iu gjetën 1 armë zjarri pistoletë bashkë me krehrin me 7 fishekë.

Në vijim të veprimeve, specialistët për Hetimin e Krimeve të Komisariatit të Policisë Lushnjë arrestuan në flagrancë shtetasin Z. K., 75 vjeç, banues në Lushnjë, për veprën penale “Prodhimi dhe mbajta pa leje e armëve dhe municionit luftarak”.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme”,-thuhet në njoftimin e policisë.

LEXONI GJITHASHTU:

• Zjarret në Greqi, Ministri i Mbrojtjes së qytetarëve jep dorëheqjen
• Inva Mula: Shqipëria turistike është me art, jo vetëm det dhe shezlongë