U arrestua nga SPAK, pezullohet nga detyra drejtuesi i prokurorisë së Kukësit

Këshilli i Lartë i Prokurorisë ka pezulluar nga detyra drejtuesin e prokurorisë së Kukësit, Xhevahir Lita, i cili u arrestua nga SPAK pas zbërthimit të bisedave të grupeve kriminale në aplikacionet Enchro-chat dhe Sky.

Lita, dyshohet se ka mbyllur dosjen e vrasjes së Gjin Ndoji Borçi, në atentatin e të cilit dyshohet se janë implikuar Ervis Martinaj së bashku me biznesmenin Pëllumb Gjoka, shoferin e këtij të fundit Edmond Preka dhe Behar Bajrin.

KLP në komunikatën zyrtare njofton se është hapur gara për zgjedhjen e drejtuesit të ri të prokurorisë së Kukësit.

Ndërkohë deri në emërimin e drejtuesit të ri kjo zyrë Prokurorie do të drejtohet nga Zv/ Drejtuesja, Enkeleda Hoxha.

NJOFTIMI

Sot më datë 31.07.2023 Këshilli i Lartë i Prokurorisë, u thirr në mbledhje urgjente nga Kryetari i Këshillit, zoti Balla.

Dy vendimet që u morën sot janë:

Pezullimi nga detyra e prokurorit Xhevahir Lita, drejtues në  Prokurorinë e Shkallës së Parë të Juridiksionit të Përgjithshëm Kukës.

Hapja e garës për drejtues në Prokurorinë e Shkallës së Parë të Juridiksionit të Përgjithshëm Kukës.

Deri në zgjedhjen e një drejtuesi të ri, kjo zyrë Prokurorie do të drejtohet nga Zv/ Drejtuesja, Enkeleda Hoxha.

LEXONI GJITHASHTU:

• “Kontaktoi Vis Martinajn për vrasje”- Gazetarja detaje nga arrestimi i biznesmenit
• Atentati ndaj Licit, gazetarja: Ish-shefi i krimeve përgatiti kushtet për vrasjen
• Nga Olti Bistri, te prokurori Xhevahir Lita, kush janë zyrtarët e arrestuar nga SPAK