Falimenton Ujësjellësi i Durrësit? Gazetarja zbulon çfarë po ndodhë

Ujësjellës Kanalizime Durrës do të shkrihet në një Shoqëri Rajonale të Ujësjellës Kanalizimeve e cila nuk do mbulojë më vetëm Durrësin, por Kavajën, Shijakun e deri në Rrogozhinë.

Sipas informacioneve shkak i këtij ndryshimi është falimentimi i Ujësjellës Kanalizimeve në Durrës dhe borxhi 4.3 miliardë lekë UKD ka ndaj OSHE-së.

Megjithatë gazetarja e Euronews Albania, Kloida Gjuzi tha në një lidhje direkte se drejtoria nuk e ka konfirmuar falimentimin.

“Nuk është shpallur falimenti po është shkrirë Drejtoria Lokale e Kanalizimeve Durrës një një Shoqëri Rajonale të Ujësjellës Kanalizimeve gjë që do të thotë se Ujësjellësi i Durrësit nuk operon më vetëm për qytetin bregdetar, po përfshin Bashkinë e Shijakut, të Kavajës e deri në Rrogozhinë.

Ajo që për drejtorinë e Ujësjellës Kanalizimeve Durrës është rezultat, nga ajo që ne kemi mësuar, krijimi i Shoqërisë Rajonale të Ujësjellësit, ka ardhur si pasojë e borxheve të shumta që Drejtoria e Ujësjellës Kanalizimeve Durrës kishte. Ministria e Financave ka raportuar më herët se ujësjellës Kanalizime Durrës i detyrohet OSHE-së 4.3 miliardë lekë, fatura të papaguara deri në vitin 2023”,-tha gazetarja.

LEXONI GJITHASHTU:

• Si do të shpëtojë Maqedonia e Veriut nga kriza? Gazetari zbulon skenarët
• SPAK mbyll hetimet për operacionin “Plumbi i Artë”, u zbardhën 18 ngjarje kriminale