Ndryshon sërish kursi i këmbimit, euro ngrihet me 3 pikë brenda ditës

Kursi i këmbimit vijon të luhatet. Brenda ditës së sotme monedha euro është rritur me 3 lekë kundrejt monedhës vendase.

Kursi i këmbimit të Euros me Lekun ditët e fundit është luhatur ndjeshëm, duke pasur rënie por dhe rritje. 

Sipas kursit zyrtar të këmbimit të Bankës së Shqipërisë, të enjten monedha europiane euro, u këmbye me 104.7 lekë,  me një rritje prej 2.75 pikë krahasuar me ditën e djeshme që ishte pothuajse 100 lekë. 

Në krahasim me një ditë më parë rritje ka pësuar dhe dollari amerikan që u këmbye 95.81 lekë si dhe paundi britanik me 121.36, me rreth 4 pikë më shumë se të mërkurën e kësaj jave. 

Ndërkohë të mërkurën Guvernatori i Bankës së Shqipërisë Gent Sejko bëri me dije se nuk do të ndërhyjnë në kursin e këmbimit të monedhës vendase, për sa kohë që luhatjet në kurs nuk dëmtojnë funksionimin e tregut.

Mes tjerash ai theksoi se forcimi i Lekut ka luajtur një rol të rëndësishëm në mbrojtjen e ekonomisë shqiptare nga vala inflacioniste si dhe ka lejuar mbajtjen e normave më të ulëta të interesit krahasuar me ekonomitë e tjera të Europës.

LEXONI GJITHASHTU: 

• Ukraina: Rusia ka dështuar të përparojë në vijën e frontit
• Italia heq përfitimet familjare, vendimi i Melonit shkakton zemërim dhe protesta