Vranë me thikë 32-vjeçaren në Durrës, lihen në burg të arrestuarit

“Arrest me burg” ka vendosur gjykata e Durrësit për dy autorët e vrasjes së 32-vjeçares Luljeta Preza.

Autorët e dyshuar, Aldo Ibrahimi dhe Ylli Grabovari, dyshohet se e kanë qëlluar 32-vjeçaren pasi nuk iu dorëzoi lekët e përfituara nga aktiviteti i prostitucionit.

32-vjeçarja kishte pësuar një aksident pasi ishte përplasur nga një makinë dhe paratë e nxjerra nga aktiviteti i prostitucionit, i kishte shpenzuar për të marrë mjekim.

Autorët që dyshohet se ishin tutorët e saj e kanë qëlluar mbrëmjen e të martës, teksa po konsumonin lëndë narkotike të llojit kokainë.

Prindërit e Aldo Brahimit në gjykatë kanë thënë se ai kishte disa javë që ishte larguar nga shtëpia për të punuar në Durrës duke mbledhur hekura.

“Nëse ai e ka kryer vrasjen, le të marrë dënimin që i takon”, ka deklaruar nëna e tij Donika Hamzai.

LEXONI GJITHASHTU:

• Vranë me thikë 32-vjeçaren në Durrës, lihen në burg të arrestuarit
• Vranë 32-vjeçaren dhe trupin ia lanë të Ura e Dajlanit, këta janë dy autorët (FOTO)