Nxirret trupi i mbytur i një 41-vjeçari nga liqeni i Belshit

Një 41-vjeçar është mbytur këtë të mërkurë në liqenin e Belshit. Ngjarja ka ndodhur rreth orës 12:30, kur efektivët e policisë u njoftuan se një person dyshohej të ishte mbytur në ujërat e liqenit.

Pas mbërritjes në adresën e dhënë, forcat zjarrfikëse dhe policia kanë bërë të mundur nxjerrjen nga ky liqen të trupit të pajetë të shtetasit F. Xh., 41 vjeç.

Sipas familjarëve të viktimës, dyshohej se 41-vjeçari vuante nga probleme të shëndetit mendor.

Nga këqyrja paraprake e trupit nuk janë konstatuar shenja dhune, ndërkohë që grupi hetimor vijon punën për zbardhjen e plotë të rrethanave të kësaj ngjarjeje.

“Menjëherë pas njoftimit, shërbimet e Policisë kanë shkuar në adresën e dhënë, dhe në bashkëpunim me shërbimet zjarrfikëse, kanë bërë të mundur nxjerrjen nga ky liqen, të trupit të pajetë të shtetasit F. Xh., 41 vjeç, i cili sipas deklarimeve të familjarëve, vuan nga probleme të shëndetit mendor”, njoftoi policia.

LEXONI GJITHASHTU:

• Rreh dhe dhunon punonjësit që do t’i masnin sahatin e ujit, arrestohet i riu
• U kap duke kryer punime pa leje, procedohet penalisht 82-vjeçari