Itali| Foshnja i bie nënës nga duart teksa po i jepte gji, përfundon në koma

Një ngjarje e rëndë ka ndodhur në provincën e Kremonës në Itali, ku një fëmijë 18 muajsh i ka rëshkitur nga duart nënës së tij dhe ka përfunduar në koma.

Foshnja ishte duke pirë gji në momentin kur ra nga duart të ëmës dhe u përplas në kokë.

Fëmija u transportua me helikopter në spitalin Papa Giovanni XXIII në Bergamo dhe ndodhet n kujdes intensiv në gjendje të rëndë për jetën.

Policia ka nisur një hetim në lidhje me rastin dhe po marrin dëshmitë e tre personave që ndodheshin në shtëpi bashkë me nënën.

Sipas informacioneve paraprake, gruaja ka qenë e ulur në shkallët e shtëpisë teksa i jepte qumësht fëmijës.

Befas foshnja filloi të përpëlitej, duke u rrëzuar dhe duke goditur kokën në njërën nga shkallët.

LEXONI GJITHASHTU:

• Rusia akuzon Ukrainën tentoi të sulmonte urën në Krime
• Rusia kërkon ujë në Hënë, e para ekspeditë pas gati 50 vitesh
• Dy dronë ukrainas rrëzohen pranë Moskës, në shënjestër aeroporti më i madh i Rusisë