13-vjeçari i mbijeton rënies nga gati 30 metra në Grand Canyon

Një djalë 13-vjeçar mbijetoi pasi rrëshqiti dhe ra gati 30 metra në Grand Canyon në shtetin amerikan të Arizonës.

Ekuipazheve të shpëtimit iu deshën dy orë për të tërhequr Wyatt Kaufman pasi ai rrëshqiti nga një shkëmb në zonën e Rim-it të Veriut, e cila është e njohur për turistët. Djali u dërgua në spital me lëndime të rënda, por më vonë u lirua, raporton BBC.

Wyatt i tha një stacioni televiziv lokal se ai u rrëzua duke u larguar nga rruga në mënyrë që njerëzit të mund të bënin foto, duke shtuar se po mbahej te një shkëmb me njërën dorë kur humbi ekuilibrin dhe filloi të binte.

“Nuk mbaj mend asgjë pas rrëzimit. Më kujtohet që herë pas here zgjohesha dhe shikoja se isha në pjesën e pasme të një ambulance,” tha Wyatt.

Ai ka nëntë rruaza të thyera, një shpretkë të këputur, një dorë të thyer dhe një mushkëri të shembur. Disa dhjetëra punonjës të urgjencës morën pjesë në shpëtim.

LEXONI GJITHASHTU:

• Kina regjistron rënien më të madhe të eksporteve që nga viti 2020
• Guxholli për rënien e euros: Është për të qeshur të thuash se u forcua leku