Guxholli për rënien e euros: Është për të qeshur të thuash se u forcua leku

Një një kohë kur monedha europiane është shumë pranë rënies poshtë nivelit të 100 lekëve, po flitet dhe për një forcim të monedhës lek. Ekspertja e ekonomisë, Zana Guxholli tha në një intervistë për “Good morning Albanians” në Euronews Albania se leku nuk është forcuar, madje një konstatim i tillë është qesharak.

“Nuk është forcuar leku, është për të qeshur të thuash u forcua leku. Çfarë i ka ndodhur ekonomisë tonë? Është rritur produktiviteti? Janë rritur investimet shqiptare dhe të huaja? Është rritur punësimi? Janë rritur të ardhurat? Pra duhet një ekonomi e shëndetshme, vitale, me produktivitet, me gjithë këta tregues që ta shoqërojnë dhe ta besosh dhe atëherë është një rritje e shëndetshme e lekut,” – u shpreh Guxholli.

Sipas kursit zyrtar të Bankës së Shqipërisë, 1 euro po këmbehet me 100.93 lekë, ndërsa në pikat e këmbimit valutor blihet me 100.6 lekë.

Ekspertët e ekonomisë parashikojnë se në gusht, euro mund të kapë edhe nivelin e 90 lekëve. Ky do të ishte një rekord historik për t’u mbajtur mend dhe me siguri do të kishte akoma më shumë ndikime sesa kaq.

LEXONI GJITHASHTU:

• Turisti: Sa themi jemi nga Kosova, kafja në Shqipëri na vjen 3 euro
• 300 mln euro për Mbappé, Al Hilal dorëzon ofertën për lojtarin tek PSG